ROMË - Një arbëresh President i Italisë? Stefano Rodota, kandidati i propozuar nga Lëvizja 5 Yjet është me origjinë arbëreshe dhe ka marrë dje më shumë vota (230) se rivalët e tij: Sergio Chiamparino, Massimo DAlema, Franco Marini, Emma Bonino etj. Origjina është gjë e deklaruar prej tij dhe e njohur për të gjithë opinionin publik italian. Vjen nga një dinasti e shquar italo-shqiptare, thuhet për të në Wikipedia. Rodota njihet si politikan aktiv, i majtë dhe i vlerësuar për integritetin e tij moral. Dje rreth 200 vetë kanë manifestuar përpara Montecitorio (ndërtesa e Dhomës së Ulët) për Rodotën si President i Italisë. Në parulla lexohej: "Bersani vrasës i Pd", "Nuk ju votojmë më", "Rodota pa nëse e pa por; "Rodota president", "Rodota është ndryshimi. Marini është falimentimi", "Sa e trishtueshme (pa) përgjegjshmëria juaj", Na jepni njerëz të ndershëm. Në tre votimet e para duhen 2/3 e votave, saktësisht 672 vota, për të pasur një fitues. M.A.
![]()
SHEKULLI
SHEKULLI